Görkəmli tədqiqatçı alim professor Nisbət Mehdiyevanın Azərbaycanda mədəniyyətin inkişafı sahəsində fəaliyyəti

Monoqrafiyada görkəmli tarixçi, mədəniyyətşünas, tarix elmləri doktoru, professor Nisbət Mehdiyevanın respublikada mədəniyyətin inkişafı sahəsində fəaliyyəti, XX əsrin
60 – 80-ci illərində Azərbaycan mədəniyyətinin inkişafının xarakterik xüsusiyyətləri, bu dövrdə mədəniyyətin müxtəlif sferalarının sürətli inkişafı, yaradıcı ziyalıların mədəniyyətin inkişafı və formalaşmasında oynadığı mühüm rol, professor Nisbət Mehdiyevanın mədəniyyət sahəsində apardığı elmi tədqiqatlar, Yaradıcılıq İttifaqlarının fəaliyyəti, sənət və sənətkarlıq məsələləri, yaradılan əsərlərin ideya – siyasi səviyyəsi və professional sənətkarlığı, ittifaqların yaradıcılıq və təşkilati işləri, bədii mədəniyyətin təbliğində yaradıcı ziyalılar və Yaradıcılıq İttifaqlarının rolu, mədəni əlaqələr və təbliğat sahəsində onların fəaliyyəti, bu dövrdə əldə edilmiş nailiyyətlər, yol verilmiş qüsurlar və s. zəruri amil və məsələlər öz əksini tapmışdır. Azərbaycan mədəniyyətinin XX əsrin 60 – 80-ci illər dövrünün aktual problemləri və tanınmış tədqiqatçı alim, professor Nisbət Mehdiyevanın bu sahədə apardığı dəyərli elmi tədqiqatların monoqrafiya şəklində çap edilməsi təqdirəlayiqdir.
Monoqrafiyadan müəllimlər, ali məktəb tələbələri, magistrantlar, mədəniyyət sahəsində araşdırma aparan tədqiqatçılar və geniş oxucu auditoriyası istifadə edə bilər.